იდეა დეველოპმენტი 2015 წლიდან ქმნის პრემიუმ, გაერთიანებული დანიშნულების სივრცეებს.
ის ერთ-ერთი პირველი კომპანიაა, რომელმაც ლისზე კერძო სახლის ტიპის უბნების მშენებლობა და განვითარება დაიწყო.
თავდაპირველად შეიქმნა “TIFLISI I” და “TIFLISI II” — პროექტები, რომელთა მიზანი იყო ეკოლოგიურად სუფთა გარემოში კომფორტული, უსაფრთხო და თანამედროვე კერძო სახლების შექმნა.
ახალი პროექტებისთვის განსაკუთრებული უპირატესობა კვლავ ადგილმდებარეობას მიენიჭა, რაც საფუძვლად დაედო იდეა დეველოპმენტის შემდეგი პროექტის, იდეა პანორამას კონცეფციას: ბალანსი ბუნებასა და ქალაქს შორის.
იდეა პანორამას მშენებლობა 2023 წელს, ვაკე-საბურთალოზე, გ. დანელიას ქუჩაზე დაიწყო. პროექტი სამ ნაწილად დაიყო: იდეა პანორამა I, იდეა პანორამა II და A კლასის ბიზნეს ცენტრი.
იდეა პანორამა I-ის მშენებლობა 2025 წლის ნოემბრის ბოლოს დასრულდება. ის მოიცავს როგორც საცხოვრებელ, ასევე პრემიუმ საოფისე და კომერციულ სივრცეებს. პროექტში გათვალისწინებულია 3-დონიანი ავტოსადგომი, ლობი კონსიერჟის სერვისით, მოსასვენებელი ზონები, პადელის მოედანი და საბავშვო სივრცე.
ის გამოირჩევა როგორც ექსტერიერით, ისე არქიტექტურული ხედვით. იდეა პანორამა I-ის თითოეულ ბინას გააჩნია ფართე, მრავალფუნქციური ტერასა, რომელიც მიმართულია მწვანე, უცვლელი პანორამული ხედისკენ.
ჩაბარების პირობა — „მწვანე კარკასი+“ — მოიცავს მოპირკეთებულ ტერასას და სათავსოებს გათბობის ქვაბისა და კონდიცირების გარე ბლოკებისთვის. რაც მთავარია, ამ პირობით მაცხოვრებელს უკვე დახვდება გათბობის ქვაბი მილგაყვანილობით.
პარალელურად დაიწყო პროექტის შემდეგი ეტაპის მშენებლობაც.
იდეა პანორამა II ასევე გააერთიანებს პრემიალურ საცხოვრებელ და საოფისე-კომერციულ სივრცეებს. მისი მშენებლობა 2027 წელს დასრულდება, ხოლო გაყიდვები მალე დაიწყება.
იდეა დეველოპმენტი თავის თითოეულ მაცხოვრებელს გადასცემს ლოიალობის ბარათს — იდეა ქარდს. ეს არის ექსკლუზიური ფასდაკლების ბარათი, რომელიც სპეციალურად იდეა დეველოპმენტის მობინადრეებისთვის შეიქმნა.
მფლობელებს შეუძლიათ პარტნიორ კომპანიებთან ფასდაკლებით შეიძინონ ავეჯი, ტექნიკა, სარემონტო მასალები, დეკორი და სხვა.
კომპანია აგრძელებს პრემიალური, გაერთიანებული დანიშნულების სივრცეების შექმნას როგორც ქალაქის ცენტრალურ ლოკაციებზე, ასევე თბილისის შემოგარენში, სადაც ბუნება და ინფრასტრუქტურული კომფორტი ერთიანდება.
